Umhverfisstefna Matarstrætis

Sláturfélag Suðurlands

Umhverfisstefna SS felur í sér að starfseminn skal vera í sátt við umhverfið og hafa eins lítil skaðleg áhrif og kostur er. Í þessu felast eftirfarandi meginþættir.

Nýting afurða: Stefnt er að fullnýtingu afurða þannig að gera megi allar afurðir að verðmætum, stefnt er að 85-90% nýtingarhlutfalli. Koma ónýtanlegum hluta í endurvinnslu sem skapar hringrás, dregur úr sóun og kolefnisspori framleiðslunnar.

Grundvallaratriði í frábærum árangri SS á þessu sviði er stór eignarhluti SS í fyrirtækinu Orkugerðinni ehf. Sjá myndband hér.

Umbúðir: Umbúðanotkun SS tekur mið af þrennu.

• Margnota umbúðir alls staðar sem hægt er til að minnka sóun og úrgang.
• Endurvinnanlegar umbúðir ef þess er kostur
• Vandaðar umbúðir með mikilli súrefnisvörn til að tryggja geymsluþol matvæla og draga þannig úr matarsóun.

Lágmörkun á pappírsnotkun: Pappírslaus viðskipti sem minnka eða gera útprentun á pappír ónauðsynlegar.

Mengunarvarnir:

• Frárennsli: svo sem fitugildrur, fastefnagildrur og fleira
• Úrgangur: flokkun og endurvinnsla á úrgangi
• Loftmengun: umhverfisvænir kælimiðlar sem draga úr loftmengun
• Orkusparnaður: endurnýjun á tækjabúnaðar sem leiðir til orkusparnaðar
• Sjónmengun: starfsstöðvar SS skulu vera snyrtilegar og falla vel að umhverfinu

Mælikvarðar á árangur: Umhverfisstjórnunarkerfi frá Klöppum er notað til að fylgjast með umhverfisspori starfseminnar auk annarra innri mælikvarða á sóun.

Birgjar: Reynt er að velja birgja af kostgæfni með umhverfisþætti í huga og horfa til samfélagslegrar ábyrgðar í vali á þeim.